Surxondaryoda chiqindi tariflari yana qimmatlashdi
Qattiq chiqindilarni olib chiqib ketish aholi uchun 5040 soʻm (avvalgi narx 4500 soʻm)ni tashkil etadi.
2024 yil 17 may kuni Surxondaryo viloyati hokimining qarori bilan maishiy chiqindilarni toʻplash va olib ketish bilan bogʻliq majburiy toʻlov tariflarini tasdiqlash boʻyicha qarori eʼlon qilindi.
Qaror hududlardan chiqindilarni olib ketish xizmatlarini takomillashtirish, hududlarning ekologik va sanitar holatini yaxshilash maqsadida qabul qilingan.
Chiqindilar tarifi boʻyicha 2024 yil 9 yanvardagi qaror oʻz kuchini yoʻqotgan deya qabul qilindi.
Qaror ilovasiga koʻra, narxlar quyidagicha koʻrinish olgan: qattiq chiqindilarni olib chiqib ketish aholi uchun — 5040 soʻm (avvalgi narx 4500 soʻm), yuridik shaxslarga 1m3 uchun 78 400 soʻm (avvalgi narx 70 ming soʻm), suyuq chiqindilarni olib chiqib ketish 1m3 kub uchun 78 400 soʻm (avvalgi narx 70 ming soʻm) etib belgilandi.
Qaror eʼlon qilingan kundan kuchga kiradi.
Eslatib oʻtamiz, soʻnggi bor Surxondaryoda chiqindi olib ketish narxlari 2023 yil oxiri -2024 yil boshida oʻzgargandi.