Karmana tumaniga yangi hokim tayinlandi
Avvalgi hokim Prezident yigʻilishida tanqidga uchragandi.
Xalq deputatlari Karmana tumani Kengashining navbatdan tashqari sessiyasi boʻlib oʻtdi, unda tumanga yangi hokim tayinlandi.
Sessiya ishida viloyat rahbari NormatTursunov soʻzga chiqib, tuman hokimi lavozimiga Adizov Valijon Yusupovichni tayinlash toʻgʻrisida qabul qilingan viloyat hokimining qarorini oʻqib eshittirdi.
Ushbu qaror xalq deputatlari Karmana tumani Kengashi deputatlari tomonidan maʼqullandi.
Eslatib oʻtamiz, tumanning avvalgi hokimi Prezident oʻtkazgan yigʻilishda tanqidga uchrab, ishdan olingandi. Karmanadagi qurilishi yakunlanmagan binoda 452 ta “mayning” qurilmasi oʻrnatilgani oqibatida oʻn oy davomida qariyb 5,5 million kilovatt-soat elektrdan noqonuniy foydalanilgan.
Avvalroq Boʻka tumaniga yangi hokim tayinlangandi.