Konstitutsiyaviy sud sudyalarining vakolat muddati oʻzgartirildi
Prezident tegishli qonunni imzoladi.
Prezident tomonidan imzolangan Qonun (OʻRQ-895-son, 12.01.2024 y.) bilan “Oʻzbekiston Respublikasi Konstitutsiyaviy sudi toʻgʻrisida”gi Qonunga oʻzgartish va qoʻshimchalar kiritildi. Unga koʻra, Konstitutsiyaviy sud sudyalarining vakolat muddati oʻzgardi.
Unga koʻra, Konstitutsiyaviy sud referendumga chiqarilayotgan masalalarning Konstitutsiyaga muvofiqligi toʻgʻrisida xulosa beradi.
Konstitutsiyaviy sud mazkur toifadagi masalalar boʻyicha tegishli hujjatlar olingan kundan eʼtiboran 15 kundan kechiktirmay qaror qabul qiladi.
Shuningdek, kiritilgan oʻzgartirishga koʻra, Konstitutsiyaviy sudning sudyalari qayta saylanish huquqisiz 10 yillik muddatga saylanadi (ilgari birinchi marta 5 yilga, ikkinchi marta 10 yilga saylangan).
Ushbu Qonun rasmiy eʼlon qilingan kundan eʼtiboran kuchga kiradi.
Avvalroq Oliy sudning sakkiz sudyasi lavozimidan ozod etilgandi.