Toshkent yana changga burkandi
Poytaxt aholisiga niqob taqish tavsiya etilyapti.
Bugun, 11 yanvar kuni tongda Oʻzbekiston poytaxti Toshkent shahrida havo sifatida yana yomonlashdi.
Poytaxtda soat 08.00 holati havo sifat darajasi RM-2.5 mayda dispers zarrachalar bilan bogʻliq ifloslanish JSST standarti boʻyicha ruxsat etilgan meʼyordan 17 marta koʻtarilgan.
Bu yerdagi havo sifati ayni vaqtda zararli, deya baholangan. Va Toshkent aholisiga tashqarida mashq qilmaslik, iflos havodan saqlanish uchun derazalarni yopish, maska taqish hamda havo tozalagichlarni ishga tushirishni(agar bunday uskuna boʻlsa albatta) tavsiya etmoqda.
Poytaxt IQ Air reytingida havosi notoza oʻnta shahardan biri deb topildi.
Eslatib oʻtamiz, soʻnggi vaqtda chang-toʻzon hodisalari nafaqat Toshkent, balki Oʻzbekiston uchun odatiy jarayonga aylanib bormoqda. Avvalroq BMT ham Oʻzbekistondagi holat boʻyicha tashvishli bayonot bergandi.
