2024 yilda kutilayotgan ehtimoliy shov-shuvli voqealar taqdim etildi
Rossiyada davlat toʻntarishi sodir boʻlishi mumkin, deyiladi xabarda.
Politico nashri 2024 yil uchun kutilmagan, ammo sodir boʻlishi mumkin boʻlgan ehtimoliy voqealar roʻyxatini taqdim etdi.
Eurasia Group siyosiy tavakkalchilik konsalting kompaniyasi rahbari Yan Bremmerning fikricha, AQShda prezidentlik saylovlari adolatli va erkin oʻtkazilmasligi ehtimoli bor, chunki AQShda saylovoldi vaziyat keskin qizib bormoqda. Saylovda Oq uy rahbari Jo Bayden va sobiq prezident Donald Trampning manfaatlari oʻzaro toʻqnashmoqda.
Bulwark bosh muharriri Charli Sayksning fikricha, 2024 yilda bir necha kun davomida kompyuterlar, sunʼiy yoʻldoshlar yoki global bank tizimini zararlashi mumkin boʻlgan global raqamli virus paydo boʻlishi mumkin.
Politico bilan suhbatlashgan ekspertlar bu yil Xitoy bilan urush va Rossiyada davlat toʻntarishi boshlanishi mumkin, degan fikrni ham oʻrtaga tashlagan.
Avvalroq KXDR Janubiy Koreyaga qarata 200 dan oshiq snaryad otgani xabar berilgandi. Ekspertlarga koʻra, mintaqada yangi urush oʻchogʻi yuzaga kelishi mumkin.