Toshkent aeroportida taksi xizmati kimoshdi savdosiga qoʻyildi
Barcha lotlarda kompaniyalar rioya qilishlari kerak boʻlgan batafsil texnik topshiriqlar mavjud.
“Uzbekistan Airports” boshqaruv kompaniyasi E.auksion.uz platformasida “Toshkent” aeroportida taksi operatorlari uchun joy ijarasi uchun uchta lotni qayta joylashtirdi. Birinchi auksionlar buyurtmachi tomonidan texnik shartlarga qoʻshimchalar va tushuntirishlar kiritilgani sababli oʻtkazilmagan.
Toshkent xalqaro aeroportining umumiy uchib kelish zalida yana bir taksi xizmati paydo boʻladi. Taksi operatorlari, shuningdek, CIP uchib kelish zali va mahalliy aviaqatnovlar terminalining kelish zali uchun alohida tanlanadi.
Barcha lotlarda kompaniyalar rioya qilishlari kerak boʻlgan batafsil texnik topshiriqlar mavjud. Xususan, ariza beruvchi kompaniya ishlab chiqarilganiga uch yildan ortiq boʻlmagan, benzinda ishlaydigan yoki elektromobillar parkiga ega boʻlishi kerak. Kompaniya oʻzbek, rus va ingliz tillarini boshlangʻich bilimga ega boʻlgan malakali haydovchilarni rasman ishga olishi shart. Avtomobillar brendlangan boʻlishi va haydovchilar maxsus forma kiyishlari kerak. Kompaniya yoʻlovchilar uchun naqd pul, mahalliy va xorijiy toʻlov tizimlarining bank kartalarini qabul qilish imkoniyatini taqdim etishi kerak boʻladi.
Har uchala lot boʻyicha ham savdolar joriy yilning 3 oktabr kuni E.auksion.uz saytida boʻlib oʻtadi. Kim oshdi savdosida texnik topshiriqda koʻrsatilgan talablarga javob beradigan barcha manfaatdor kompaniyalar ishtirok etishi mumkin.
Eslatib oʻtamiz, Raqobatni rivojlantirish va isteʼmolchilar huquqlarini himoya qilish qoʻmitasi aeroportdagi taksi xizmatini noqonuniy deya topgan, “Uzbekistan Airports” sudda yutqazgandi.
