Andijonda ichimlik va oqova suv narxlari karrasiga qimmatlaydi
Avvalroq toʻrt viloyatda ham narxlar keskin oshgandi.
Xalq deputatlari Andijon viloyati kengashining "Viloyatda ichimlik va oqava suv xizmatlari uchun taklif etilayotgan narxlarni tasdiqlash toʻgʻrisidagi" qarori eʼlon qilindi. Unga koʻra, narxlar ikki barobarga oshadi.
Jumladan, ichimlik suvi narxlari ( 1 metr kub) aholi uchun hozir 750 soʻmdan 1500 soʻmgacha koʻtariladi. Oqava suv uchun narxlar ham xuddi shu miqdorlarni tashkil etadi.
Byudjet tashkilotlari uchun narxlar 1200 soʻmdan 2400 soʻmgacha koʻtariladi.
Ulgurji tashkilotlar uchun suv narxi 1800 soʻmdan 3800 soʻmgacha oshadi.
Tasdiqlangan tariflar OAVda eʼlon qilingandan keyin oʻn besh kun oʻtib kuchga kirishi belgilangan.
Eslatib oʻtamiz, avval Surxondaryo, Qashqadaryo, Buxoro, Toshkent viloyatlarida ham suv narxi oshgani xabar qilingandi.