Hokim bilan gap talashgan maktab direktori kaltaklandi
Ayni paytda unga shifoxonada yordam koʻrsatilmoqda.
Surxondaryoda viloyati hokimi bilan majlisda tortishgan direktor Umida Tursunova kaltaklab ketildi. Bu xabarni uning ukasi tasdiqladi.
Aytilishicha, boshqa bir oʻqituvchining oila aʼzolari Tursunovani kaltaklagan. Ayni paytda unga shifoxonada yordam koʻrsatilmoqda.
Eslatib oʻtamiz, Tursunovaning avgust oyi boshida Surxondaryo hokimi Ulugʻbek Qosimov bilan tortishgan videosi tarqalgandi. Videoda hokim direktor ayolni ushlash uchun IIB xodimlariga murojaat qilgani ham aks etgan.
Shuningdek, Oliy sud bayonoti bilan direktor qamalgani ham maʼlum boʻlgandi.