Buxoro viloyati hokimiga birdaniga ikki oʻrinbosar tayinlandi
Jalol Arashov 1988 yil 6 oktabrda Qorakoʻl tumanida tugʻilgan.
Buxoro viloyati hokimiga ikki oʻrinbosar tayinlandi. Bu haqda viloyat hokimligi xabar bermoqda.
Jumladan, Arashov Jalol Samandarovich - Buxoro viloyati hokimining qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari lavozimiga tayinlandi.
Jalol Arashov 1988 yil 6 oktabrda Qorakoʻl tumanida tugʻilgan. 2009 yilda Toshkent arxitektura va qurilish instituti (kunduzgi)ni tugatgan. Maʼlumoti boʻyicha mutaxassisligi - muhandis-iqtisodchi.
U ayni vaqtga qadar Oʻzbekiston Respublikasi Qurilish va uy-joy kommunal xoʻjaligi vazirining oʻrinbosari vazifasida ishlab kelayotgan edi.
Shaxriyorov Botirjon Zavqiddinovich - Buxoro viloyati hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari lavozimiga tayinlandi.
Avvalroq Ahmedov Botir Ilhomovich Buxoro viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari etib tayinlangandi.
