Putin ham Shavkat Mirziyoyevni tabrikladi
Tabrik matni Kreml rasmiy saytida eʼlon qilingan.
Rossiya prezidenti Vladimir Putin Oʻzbekiston rahbari Shavkat Mirziyoyevni tugʻilgan kuni bilan tabrikladi.
Tabrik matni Kreml rasmiy saytida eʼlon qilingan.
"Siz Oʻzbekiston fuqarolari orasida gʻoyat yuksak obroʻ-eʼtiborga egasiz, buni yaqinda boʻlib oʻtgan Prezident saylovi yakunlari ham toʻliq tasdiqladi. Sizning rahbarligingizda mamlakatimiz iqtisodiy va ijtimoiy taraqqiyot yoʻlidan ishonch bilan olgʻa bormoqda, oʻz manfaatlarini jahon miqyosida samarali himoya qilmoqda.
Siz mamlakatlarimiz oʻrtasidagi strategik sheriklik va ittifoqchilik munosabatlarini, turli sohalardagi samarali ikki tomonlama hamkorlikni mustahkamlashga katta shaxsiy hissa qoʻshyapsiz.
Men munosabatlarimizni yuqori baholayman. Ikki tomonlama, mintaqaviy va xalqaro kun tartibidagi dolzarb masalalar boʻyicha hamkorlikni davom ettiramiz" deyiladi tabrik matnida.
Eslatib oʻtamiz, bugun Shavkat Mirziyoyev 66 yoshni qarshi olmoqda, biroz avval Turkmaniston prezidenti Oʻzbekiston rahbarini tabriklagandi.