Rossiya urush boshidan beri Ukrainaga qancha raketa uchirgani aytildi
Bundan tashqari, jami 3700 dona hujumkor dron zarbasi berildi.
Ukraina Qurolli Kuchlari maʼlumotiga koʻra, urush boshidan beri Rossiya Ukrainaga 7400 ta raketa uchirdi.
Hisobotga koʻra, Rossiya 2022 yil 24 fevraldan beri urush paytida Ukrainaga turli turdagi 7400 ga yaqin raketalarni uchirgan. Bu haqda Ukraina Qurolli kuchlari Bosh shtabi Strategik aloqalar departamenti (Stratkom) xabar berdi.
“Ushbu miqdorning uchdan bir qismi S-300 va S-400 raketalaridir. Shuningdek, taxminan 900 dona "Iskander-M" ballistik raketalari orqali zarba berildi. 48 ta Kinjal raketasi ham qoʻllanilgan", deyiladi xabarda.
Rossiya raketalardan tashqari Ukrainaga "shahed" tipidagi 3700 ga yaqin hujumchi dronlari bilan hujum qilgan. Ukraina harbiylari ulardan 2900 ga yaqinini yoʻq qildi.
Eslatib oʻtamiz, avvalroq Ukraina Qora dengizda Rossiyaning yirik kemasini portlatib yuborgani maʼlum boʻlgandi.