UzAuto Motors shartnomalar ochilganini eʼlon qildi
Avtomobil xarid qilish uchun shartnomani faqat onlayn tarzda rasmiylashtirish mumkin.
Bugun, 22 dekabr kuni UzAuto Motors kompaniyasi Chevrolet Cobalt, Damas va Labo avtomobillari uchun kontraktatsiya ochilishini maʼlum qildi.
Qayd etilishicha, bugun 12:00 da 2024 yil ishlab chiqarilishi rejalashtirilgan Chevrolet Cobalt, Damas va Labo avtomobillarining butun hajmi uchun onlayn kontraktatsiya ochiladi.
Avtomobil xarid qilish uchun shartnomani faqat onlayn tarzda rasmiylashtirish mumkin.
"Eʼtibor qarating, shu kunlarda barcha Chevrolet dilerlik markazlari savdo tizimidan oʻchiriladi va avtosalonlarning barchasi yopiq boʻladi.
Chevrolet ommabop avtomobillari uchun shartnoma tuzish faqat UzAutoSavdo ilovasi, shuningdek savdo.uzavtosanoat.uz sayti orqali amalga oshirilishi mumkin. Telegram-bot faqat navbatni kuzatish xizmatini hamda mavjud avtomobillar haqida maʼlumotni taqdim etadi" deyiladi xabarda.
UzAuto Motors kompaniyasi oktabr oyida sotuvda boʻlmagan bir qator avtomobillarning narxlarini oshirgandi.