Oliy sudning sakkiz sudyasi lavozimidan ozod etildi
Senatning yalpi majlisida bu masala koʻrib chiqildi.
Senatning yalpi majlisida Oliy sud tarkibiga oʻzgartirishlar kiritish masalasi koʻrib chiqildi, unda sakkiz sudya lavozimidan ozod etildi.
Oliy Majlis Senati axborot xizmatining xabar berishicha, 48-yalpi majlisida Oʻzbekiston Respublikasi Oliy sudi tarkibiga oʻzgartirishlar kiritish masalasi ham koʻrib chiqildi va Senatning tegishli qarori qabul qilindi.
Unga asosan Elza Shamsutdinova oʻn yillik muddatga, Anvar Elmuradov muddatsiz davrga, Baxodir Ergashev oʻn yillik muddatga Oʻzbekiston Respublikasi Oliy sudining sudyasi lavozimiga saylandi.
Bobir Islamov, Otabek Mamajanov, Sherzod Mirzahakimov, Doniyorjon Tojiboyev, Firuz Tursunov, Faxriddin Xalilov, Sherzod Sherqulov va Xurshid Eshmuratov Oʻzbekiston Respublikasi Oliy sudining sudyasi lavozimidan ozod etildi.
Avvalroq Sergelida jinoyat ishi sudi sudyasi vafot etgani xabar berilgandi.