Nurafshonda Yangi yil archasi uchun 700 million soʻm sarflanadi
Bu boʻyicha Zoyir Mirzayevning farmoyishi eʼlon qilindi.
Toshkent viloyati markazi Nurafshon shahrida Yangi yil archasini oʻrnatish va bezatish xarajatlari uchun 700 million soʻm ajratiladi.
Bu boʻyicha viloyat hokimi Zoyir Mirzayevning farmoyishi eʼlon qilindi.
Mablagʻ viloyat mahalliy byudjetining 2023 yil 3-chorak yakuni bilan shakllangan daromadlar rejasining orttirib bajarilgan qismidan taqdim etiladi. Pul "Toshkent viloyati biznes markazlarini qurish direksiyasi" DUK hisobiga oʻtkazib berilishi koʻzda tutilgan.
Zoyir Mirzayev kecha, 18 dekabr kuni Yoshlar ittifoqi viloyat kengashi binosining bogʻini obodonlashtirish va koʻkalamzorlashtirish uchun 550 million soʻm ajratgandi.