Fargʻonada ham yoʻl haqi oshirildi
Bu haqda viloyat hokimining qarori eʼlon qilindi.
Fargʻona viloyati hokimi qarori bilan hududda jamoat transporti narxi oshirildi.
Jumladan, avtobuslarda bir kishi uchun yoʻl haqi 2 ming soʻm etib belgilandi (naqd pulda). Yoʻl haqini transport kartalari, ATTO va bank kartalari orqali toʻlaganlarga bir martalik imtiyozli tarif 1600 soʻmlik narx amal qiladi.
Yoʻnalishli taksi (mikroavtobus)larda 3 ming soʻm narx belgilandi.
Fargʻona viloyati shahar atrofi va shaharlararo viloyat ichi yoʻnalishlarida yoʻlkira:
- avtobuslarda bir yoʻlovchi uchun kilometri 250 soʻmdan;
- yoʻnalishli taksilarda esa 350 soʻm etib belgilandi.
Eslatib oʻtamiz, noyabr oyidan Toshkentda, soʻngra Sirdaryoda ham jamoat transporti narxi oshirilgandi.