Olmaotada fojia: 13 kishi yongʻin qurboniga aylandi
Maʼlumotlarga koʻra, yertoʻla yotoqxona sifatida foydalanib kelinayotgan boʻlgan.
Bugun, 30 noyabr kuni erta tongda Qozogʻistonning Olmaota shahrida fojia yuz berdi - yotoqxonadagi yongʻin sabab 13 kishi vafot etdi.
Yana 2 kishi shifoxonaga yotqizilgan. Hodisa joyiga favqulodda vaziyatlar vaziri, shahar hokimi yetib kelgan, qutqaruvchilar ishlamoqda. Halok boʻlganlar ichida ayollar va bolalar yoʻqligi aytilyapti.
Qozogʻiston Favqulodda vaziyatlar vazirligi avvalroq xabar berganidek, yongʻin vaqtida yotoqxonada 72 kishi boʻlgan. Ularning aksariyati evakuatsiya qilingan.
Maʼlumotlarga koʻra, shu vaqtga qadar yertoʻladan noqonuniy ravishda yotoqxona sifatida foydalanib kelingan.
Eslatib oʻtamiz, oktabr oyi oxirida Qozogʻistondagi Kostenko konidagi portlashda ham oʻnlab konchilar halok boʻlgan, mamlakatda motam eʼlon qilingandi.
