Qahvaning koronavirusga qarshi foydasi maʼlum boʻldi

Xitoy olimlarining qayd etishicha, qahva koronavirus (COVID-19) yuqtirish xavfini kamaytiradi. Ularning tadqiqot natijalari BMC (BioMed Central) da chop etildi.

Maʼlum boʻlishicha, tananing faol immuniteti diyetaga bogʻliq. Polifenollarga boy ovqatlar qancha koʻp boʻlsa, tan himoyasi shuncha yaxshilanadi. Masalan, ratsionda har doim sabzavotlar boʻlishi kerak.

Qahva haqida nima deyish mumkin? Ushbu ichimlik tarkibida polifenollar mavjud. U haqiqatan ham SARS-CoV-2 ning tanaga kirishiga toʻsqinlik qilishi mumkin. Bu katepsin L deb nomlangan ovqat hazm qilish fermentining faolligi bilan bogʻliq. Qahva koronavirusning hujayra ichiga kirishiga imkon beruvchi mexanizmni bloklaydi.

Olimlarning eslatishicha, kofe tarkibida yalligʻlanish jarayonlarining intensivligini kamaytiradigan xlorogen kislota (CGA), shuningdek, immunitet tizimini ragʻbatlantiradigan kofein ham mavjud.

Ushbu material tavsiyaviy xarakterga ega, sogʻligʻingizga muammo paydo boʻlsa, shifokorga murojaat qiling.

Avvalroq shifokor buyrakni sogʻlom saqlash uchun muhim tavsiyalar taqdim etgandi. Unga koʻra, qahva va shakarli ichimliklarni kamroq ichish maqsadga muvofiq.