Isroil Gʻazodagi qochqinlar lageriga zarba berdi, oʻnlab odamlar halok boʻldi
Gʻazo sektoridagi Al-Ahli Al-Maadani shifoxonasiga uyushtirilgan hujum natijasida 800 kishi halok boʻlgani urush boshidan beri eng qonli voqea boʻlib qolmoqda.
Isroil harbiy havo kuchlari 31 oktabr kuni Gʻazo sektoridagi Jabaliya qochqinlar lageriga aviazarba berdi, oqibatda kamida dastlab 50 kishidan 120 kishigacha tinch aholi oʻlgani aytilmoqda.
1 noyabr kuni yana 10dan oshiq qurbonlar aniqlangan. Qurbonlarning koʻpchiligi ayollar va bolalar ekani maʼlum qilingan.
Isroil tomonining aytishicha, vayronagarchilik Hamasning yuqori martabali qoʻmondoni va uning baʼzi odamlari halok boʻlgan havo hujumi tufayli sodir boʻlgan. Iddaoga koʻra, HAMAS tinch aholidan tirik qalqon sifatida gʻayriinsoniy foydalangan, havo hujumlari esa HAMASning yer osti bunkerlari qulashiga olib kelgan. Hujumning asosiy nishoni HAMAS komandiri Ibrohim Biariy boʻlgan va u yoʻq qilingan, deyiladi Isroil manbalarida.
Isroil 2021 yilda ham shunga oʻxshash sabab bilan Gʻazoning Rimal hududidiga zarba bergan, natijada 47 nafar tinch aholi halok boʻlgandi.
Eslatib oʻtamiz, Gʻazo sektoridagi Al-Ahli Al-Maadani shifoxonasiga uyushtirilgan hujum natijasida 800 kishi halok boʻlgani urush boshidan beri eng qonli voqea boʻlib qolmoqda.