Qishloq xoʻjaligi vaziriga uch oʻrinbosar tayinlandi
Azim Nazarov suv xoʻjaligi vazirining birinchi oʻrinbosari lavozimida ishlagan.
Qishloq xoʻjaligi vaziriga uchta yangi oʻrinbosarlar tayinlandi.
- Azim Nazarov qishloq xoʻjaligi vazirining birinchi oʻrinbosari lavozimiga tayinlandi. U bungacha suv xoʻjaligi vazirining birinchi oʻrinbosari lavozimida ishlagan.
- Akmal Qosimov qishloq xoʻjaligi vaziri oʻrinbosari lavozimiga tayinlandi. U bungacha Prezident Administratsiyasi agrosanoat kompleksini rivojlantirish shoʻʼbasi mudiri lavozimida ishlagan.
- Bunyod Oxunov qishloq xoʻjaligi vazirining oʻrinbosari lavozimiga tayinlandi. U bungacha Oliy taʼlim, fan va innovatsiyalar vazirligi moliya-iqtisodiyot va investitsiyalar departamenti boshligʻi lavozimida ishlagan.
Avvalroq 2023 yil avgust oyida qishloq xoʻjaligi vazirining birinchi oʻrinbosari etib tayinlangan Togʻayev Botir Normahmadovich va qishloq xoʻjaligi vaziri oʻrinbosari Karimov Anvar Rasulevich ishdan olingani xabar qilingandi.
