Qiziltepa va Xatirchi tumanlariga yangi hokim tayinlandi
Avvalroq Platina.uz Qiziltepa tumani sobiq hokimi Ulugʻbek Fayziyevning qonunlarga zid ravishda tadbirkorlik faoliyati bilan shugʻullanayotgani haqida yozgandi.
Navoiy viloyati hokimi qaroriga asosan ikki tumanga yangi hokim tayinlandi.
Jumladan, Bekzod Bobomurodov Qiziltepa tumaniga hokim etib tayinlandi.
Shuningdek, Umidjon Adizov Xatirchi tumani hokimi lavozimini egallaydi. Ushbu rahbarlar xalq deputatlari tuman kengashi tasdigʻidan ham oʻtgan.
Eslatib oʻtamiz, avvalroq Platina.uz Qiziltepa tumani sobiq hokimi Ulugʻbek Fayziyevning qonunlarga zid ravishda tadbirkorlik faoliyati bilan shugʻullanayotgani haqida yozgan va Korrupsiyaga qarshi kurashish agentligi buni tasdiqlagandi.