Iroqdagi toʻyda fojia: yuz kishi qurbon boʻldi
Bundan tashqari, 150 nafardan oshiq kishi jarohatlangan.
Iroq shimolida joylashgan Nineva provinsiyasidagi toʻyxonada sodir boʻlgan yongʻin oqibatida 100 kishi halok boʻldi, 150 dan ortiq kishi jarohatlandi.
Bu haqda INA agentligi hudud sogʻliqni saqlash boshqarmasiga asolanib xabar berdi.
“Dastlabki maʼlumotlarga koʻra, Al Hamdaniya shahridagi toʻyxonada yuz bergan yongʻin oqibatida yuz kishi halok boʻlgan va 150 dan ortiq jarohatlangan”, — deyiladi xabarda.
Taxminlarga koʻra, yongʻinga pirotexnika sabab boʻlgan boʻlishi mumkin.
Bungacha OAV 9 kishi halok boʻlgani va 25 kishi yaralangani haqida xabar bergandi.
Eslatib oʻtamiz, avvalroq Qorabogʻda yoqilgʻi tashuvchi yuk mashinasi portlashi oqibatida oʻnlab odamlar halok boʻlgandi.