Sirdaryoda post-patrul tashkil etiladi va bunga byudjetdan yarim milliard ajratiladi
Post-patrullar jinoyatchilik dinamikasi yuqori boʻlgan hududlarda tashkil qilinadi.
Sirdaryoda jinoyatchilikka qarshi post-patrullar tashkil etiladi va buning uchun viloyat mahalliy byudjetining erkin mablagʻlari qoldigʻidan 525,0 million soʻm mablagʻ ajratiladi. Bu haqda viloyat hokimi farmoyishida maʼlum qilingan.
Farmoyishda aytilishicha, post-patrullar jinoyatchilik dinamikasi yuqori boʻlgan hududlarda tashkil qilinadi.
Hujjatning ijro nazorati Sirdaryo viloyati hokimi birinchi oʻrinbosari R. Boboyev zimmasiga yuklatilgan.
Avvalroq Navoiyda "Prezident farmonlari va hukumat qarorlarini bajarish, infratuzilma obʼektlarini qurish va aholi turmush darajasini oshirish maqsadida" mahalliy byudjetdan 51,4 mlrd. soʻm mablagʻ ajratilishi maʼlum boʻlgandi.
