Qoʻqondagi yotoqxona voqeasi xodimlari sudlandi

Joriy yilning aprel oyida Qoʻqon davlat pedagogika institutining talabalar yotoqxonasidagi holat yuzasidan sud hukmi 5 may kuni chiqarilgan.

Unga koʻra, Qoʻqon davlat pedagogika institutining Yoshlar masalalari va maʼnaviy-maʼrifiy ishlar boʻyicha birinchi prorektori O.B. MJtKning 46-1-moddasi(shaxsiy hayot daxlsizligini buzish)da koʻrsatilgan maʼmuriy huquqbuzarlikni sodir etgan deb topilib, unga bazaviy hisoblash miqdorining 15 baravari, yaʼni, 4 500 000 soʻm jarima jazosi tayinlangan.

Shuningdek, institutning taʼlim texnologiyalari markazi xodimlari A.M., B.O. va boʻlim boshligʻi R.M. ham MJtKning 46-1-moddasida koʻrsatilgan maʼmuriy huquqbuzarlikni sodir etgan deb topilib, ularning har biriga bazaviy hisoblash miqdorining 10 miqdorida yaʼni, 3 000 000 soʻmdan jarima jazosi tayinlangan.

Eslatib oʻtamiz, Qoʻqon davlat pedagogika institutining yotoqxonasida talaba qizlar yashaydigan xonaga yashirin videokamera oʻrnatilgani ortidan institutining prorektori va yana 4 nafar masʼul xodim ishdan olingandi.