Xorazm viloyatining 4 ta tumaniga yangi hokimlar tasdiqlandi

Oʻzbekiston prezidenti Shavkat Mirziyoyevning Xorazm viloyatiga tashrifidan soʻng viloyatda kadrlar almashishi sodir boʻldi.

Xususan:

• Sultanov Gʻayratjon Poʻlatovich Urganch tumani hokimi lavozimiga tayinlandi.

Tayinlovga qadar u Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Qoraqalpogʻiston Respublikasi boshqarmasi boshligʻi lavozimida ishlagan.

• Axmedov Shuxrat Kurvondurdiyevich Tuproqqalʼa tumani hokimi lavozimiga tayinlandi.

Tayinlovga qadar u Xorazm viloyati qishloq xoʻjaligi boshqarmasi boshligʻi lavozimida ishlagan.

• Nazarov Jahongir Baxromovich Bogʻot tumani hokimi lavozimiga tayinlandi.

Tayinlovga qadar u Davlat aktivlarini boshqarish agentligining Xorazm viloyati hududiy boshqarmasi boshligʻi lavozimida ishlagan.

• Egamov Boburbek Davlatnazarovich Qoʻshkoʻpir tumani hokimi lavozimiga tayinlandi.

Tayinlovga qadar u Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi” DUK direktori oʻrinbosari vazifasida ishlagan.

Eslatib oʻtamiz, avvalroq Surxondaryo viloyatining 13 ta tumanida hokimlar almashgani haqida xabar berdik.