31-yanvar, 2023

Nima uchun Oʻzbekiston Korrupsiyani qabul qilish indeksida oʻsishga muvaffaq boʻldi?

Avvalroq Oʻzbekistonning xalqaro Korrupsiyani qabul qilish indeksidagi oʻrni 14 pogʻonaga yaxshilangani haqida xabar bergandik. Mazkur savolga Transparency International — Russia kompaniyasining yuristi va BMTning Korrupsiyaga qarshi konvensiyasining Oʻzbekistonda amalga oshirilishini baholash hisobotining hammuallifi Grigoriy Mashanov quyidagicha tushuntirish berdi:

"Oʻzbekiston hukumati korrupsiyaga qarshi izchil islohotlarni davom ettirmoqda. Garchi Oʻzbekiston qarindosh-urugʻchilik mavjud avtoritar davlat boʻlib qolayotgan boʻlsa-da, hukumat davlat xizmatlarini raqamlashtirish, byurokratiya va ruxsat berish jarayonlarini takomillashtirish, tartib-qoidalarni soddalashtirish va maishiy korrupsiyaga qarshi kurashish boʻyicha koʻp ishlarni amalga oshirdi”, - deyiladi xabarda.