06-yanvar, 2023

TATUning yotoqxonaga joylashtirilgan talabalari ertaga uyiga kuzatiladi

Toshkent Axborot texnologiyalari universitetining taʼtil yakuniga yetmay poytaxtga kelgan talabalari yotoqxonaga joylashtirildi. Bu haqda Oliy taʼlim, fan va innovatsiyalar vazirligi matbuot xizmati xabar bermoqda. Maʼlum qilinishicha, masʼullar vaziyatni joyiga borib nazoratga olishgan. Talabalarni ertaga oʻz uylariga yetib olishlari uchun sharoit yaratiladi. Shuningdek, boshqa shikoyat tushgan oliy taʼlim muassasalaridagi sharoitlar ham joyida oʻrganilyapti, deyiladi vazirlik xabarida. Avvalroq, Oliy taʼlim, fan va innovatsiyalar vazirligi yotoqxonaga ertaroq kelib, oʻqishga tayyorgarlik koʻrish yoki boshqa maqsadli ishlarni koʻzlab hududlardan taʼlim muassasalariga kelib boʻlgan talabalarga qishki qoʻshimcha taʼtilni oʻz yaqinlari bilan birga ota-onalari bagʻrida samarali oʻtkazishlari tavsiya qilgan holda rasmiy munosabat bergan edi. Eslatib oʻtamiz, talabalar turar-joyida yashovchi talabalarning uzaytirilgan taʼtil sabab 18 yanvargacha boʻlgan toʻlov miqdori qayta hisob-kitob qilinishi haqida xabar bergan edik