“Asakabank”, “Aloqabank” va “Turonbank” xususiylashtiruvi 2026–2027 yillarga moʻljallangan. Yana beshta bankni xususiylashtirish esa 2028 yilgacha rejalashtirilmayapti.
UzAuto Motors, UMS, issiqlik elektr stansiyalari kabi 29 ta yirik davlat korxonalari xalqaro ochiq savdolarga olib chiqiladi.
30 trillion soʻmlik davlat mulkini sotib, byudjetga kamida 10 trillion soʻm tushumni taʼminlash reja qilinmoqda. Bozorlarda mahalliy hokimlikning majburiy ishtirok etishi toʻgʻrisidagi talab bekor qilinadi.
"Oʻzavtosanoat" tarkibidagi 38 ta korxona, "Oʻzbekiston temir yoʻllari" tasarrufidagi koʻmir konlari, "Yangi zamon bino" MChJdagi ulushi, Olmaliq kon-metallurgiya kombinatining sement zavodlari, Silk Avia kompaniyasi, jami 247 kompaniyadagi davlat ulushi sotiladi.
