Asosiy suv manbalari – baland togʻlar Qirgʻiziston va Tojikiston hududida qolib ketgan. Kamiga toliblar “Qoʻshtepa” kanalini qurib, Amudaryoning 50 foiz suvini olib qoʻya boshladi.
Tolibonga suv kerak. Yana ular “har qancha suv olishga haqqimiz bor”, deyapti. “Chunki 50 yil davomida hali ulushimizni olmadik”, deyapti. Va judayam tahlikali qadam bosyapti.
Mazkur kanal toʻla quvvat bilan ishga tushsa, Oʻzbekistonda shundoq ham ogʻir boʻlib turgan suv muammosini battar murakkablashtirib yuborishi kutilmoqda.
“Qoʻshtepa” kanalining qurilishi va uning Amudaryo suvidan foydalanish tartibiga taʼsiri bilan bogʻliq barcha jihatlarni mamlakatlarimizdagi tadqiqot institutlarini jalb etgan holda oʻrganish boʻyicha Qoʻshma ishchi guruhini shakllantirish zarur.
