Obʼektiv

Yer yuzi aholisining 15 foizi, yaʼni 1 mlrd nafari turli xil nogironlik holatlariga ega. Nogironligi boʻlgan insonlar Oʻzbekistonda 1 mln nafarga yaqin.  MY5 ning “Obʼektiv” dasturida bugun soat 20.00 da ana shu fuqarolarning haq-huquqlari yangi tahrirdagi Konstitutsiyada qanday kafolatlanayotgani muhokama qilinadi.

“MY5”ning “Obʼektiv” dasturi ekspertlar bilan bugunning yana bir dolzarb mavzusini muhokama qilishdi.    Muhokama qilgan mavzu shu kecha-kunduzda kuzatilayotgan ayollar bilan bogʻliq noxush holatlarning yana bir tahlili, deyish mumkin.

MY5 telekanali "Obʼektiv" koʻrsatuvi nishonida bugun soat 20.00 da propiska va homiladorlik masalasi haqida soʻz boradi!

Agar biz soliqni kamaytiradigan boʻlsak, davlatda mablagʻ yetmay qoladi, degan tushuncha nechogʻlik asosli? Bugun MY5 telekanalining “Obʼektiv” koʻrsatuvi ijodkorlari mutaxassislardan necha yillar davomida ongimizga singib ketgan ana shu tushunchaga oydinlik kiritilishi haqida maʼlum qildi.

Yangilanayotgan Konstitutsiyaning 65-moddasida farzandlarimiz oldida davlatning burchi kafolatlanyapti. Mutaxassislarning qayd etishicha, “ota-onalar va ularning oʻrnini bosuvchilar” degan tushuncha birinchi marta kiritilyapti”. Shuningdek, “eng yaxshi shart-sharoit yaratish davlatning burchi“ deb belgilanayotgani taʼkidlanyapti. Ammo MY5 telekanalining “Obʼektiv” koʻrsatuvi ijodkorlari esa mutaxassislarga muhim masalani koʻndalang qoʻyib, qush uyasida koʻrganini qilishini ham eslatib oʻtgan. Ehtimol bu borada ham mutaxassislarda aniq izoh bordir. Bugun soat 20.00 da dasturni koʻrsak, bunga ham javob olishimiz mumkin, bizningcha.

Oliy taʼlim sifati boʻyicha 25 mingdan oshiq talaba ishtirokida oʻtkazilgan tadqiqot qanday haqiqatlarni fosh etdi? Qabul uchun ajratilayotgan grantlar soni yana koʻpayadimi?  MY5 telekanalining “Obʼektiv” tok-shousi ijodkorlarining taʼkidlashicha, dasturning navbatdagi sonida ana shu kabi muhim savollar mutaxassislarga koʻndalang qoʻyilishi bilan birga qimmat mashinada keladigan talabalar haqida ham soʻz boradi!  “Bugun soat 20 00 da efirga uzatiladigan tok-shou ham koʻp haqiqatlarni ochadi”, deya maʼlum qildi “Obʼektiv” ijodkorlari platina.uz ga.