Muhim yangiliklar

Islom moliyasiga muvofiqlashtirish kengashi (IFCB) 25 oktabr kuni «Iman Invest» bilan barcha hamkorlikni zudlik bilan va butunlay toʻxtatganini eʼlon qildi. Kengash oʻtkazgan tekshiruvda investorlar mablagʻlaridan foydalanish bilan bogʻliq jiddiy qoidabuzarliklar aniqlangani bildirilgan. «Iman» asoschisi Rustam Rahmatov ayblovlarni rad etib, auditor Mahmud Usmon bilan kelishmovchilik xizmat haqlari va kompaniya aksiyalaridan ulush soʻralishi ortidan kelib chiqqanini aytmoqda. Usmon esa bu bayonotlarni tuhmat deb atab, oʻz daʼvolarini tasdiqlovchi hujjatlar borligini maʼlum qildi.

Donald Tramp Rossiya prezidenti Vladimir Putin va Xitoy raisi Si Szinpin bilan uchrashib, Ukraina urushini muhokama qilmoqchi. OAVga koʻra, Kremlning asosiy maqsadi — uchta superdavlat oʻrtasida taʼsir doiralarining yangi taqsimotini mustahkamlash hamda Ukrainani va AQShning Yevropadagi ittifoqchilarini muzokaralar jarayonidan butunlay chetlashtirishdan iborat.

Oʻzbek xalqining til va madaniy birligini saqlash yoʻlidagi jiddiy muammolardan biri — turli mamlakatlarda istiqomat qilayotgan oʻzbeklar uchun umumiy qabul qilingan yagona yozuv standartining mavjud emasligidir. Bugungi kunda Oʻzbekiston, Afgʻoniston, Tojikiston, Qirgʻiziston, Qozogʻiston, Rossiya va boshqa davlatlarda yashovchi oʻzbeklar umumiy til va madaniy makonga mansub boʻlsalar-da, ayni bir tilni yozma shaklda ifodalash uchun turli alifbolardan foydalanmoqdalar.

Oʻzbekistonda elektr energiyasi ishlab chiqarish quvvatlari ehtiyojni qoplash uchun yetarli zaxiraga ega ekanligi aytilmoqda. Biroq bu qish mavsumida aholi elektr taʼminotida uzilishlar boʻlmasligini kafolatlaydimi? Energetika sohasi vakili bu borada izoh berib, mamlakatda elektr energiyasi ishlab chiqarish quvvatlari ortigʻi bilan mavjudligini taʼkidladi.

AQSh prezidenti Donald Tramp Ukrainaga yangi prezident kerakligini ochiq aytdi. U Vladimir Zelenskiyni Rossiya bilan tinchlikka erishish imkoniyatlaridan foydalanmaganlikda, shuningdek, Rossiya neftni qayta ishlash zavodlariga zarbalar orqali jahon yoqilgʻi bozoridagi vaziyatni ogʻirlashtirishda aybladi. Bu bayonotlar Trampning Vladimir Putin bilan Rossiya dizelini AQSh va xalqaro bozorlarga yetkazib berish boʻyicha kelishuvga erishganini eʼlon qilishi ortidan yangradi.

Millatchi harakat partiyasi rahbari Devlet Bahcheli ikki guruhning ommaviy maydondagi vakillari - Sedat Shahin va Burhonettin Saralni qabul qildi. Bu faqat xususiy qasos zanjirini toʻxtatishga urinish emas edi. Siyosiy nuqtai nazardan, mazkur uchrashuv nufuzli partiya politsiya, prokuratura va sud vakolatiga kirishi lozim boʻlgan sohada ham vositachi boʻla olishini koʻrsatdi.

Hali insoniyat Covid-19 pandemiyasi vahimalarini toʻliq unutmasdan, 2026 yil oktabrida Irkutskdagi Oʻlatga qarshi kurash instituti xodimasi bilan bogʻliq voqea yangi epidemiya haqidagi xavotirlarni kuchaytirib yubordi. "Oʻlat" soʻzi koʻpchilik tasavvurida oʻrta asr shaharlari, huvillab qolgan koʻchalar va ommaviy oʻlim manzaralarini uygʻotadi. Ammo ilmiy nuqtai nazardan oʻlat oʻtmishda qolib ketgan kasallik emas. Uning qoʻzgʻatuvchisi tabiatda doim insoniyatga hamroh boʻlib kelgan. 

Buzgʻunchi shia jangarilari, "Ansor ulloh" - husiylar harakatining asosiy kuchi -  uning klassik armiyalar bilan teng qurollanganida emas. Husiylar oʻn yildan ortiq davom etgan urush natijasida asimmetrik kurash usullarini oʻzlashtirdi: raketa va dron imkoniyatlari, tarqoq harbiy tuzilma, dengiz kommunikatsiyalariga bosim va mahalliy ijtimoiy-siyosiy tayanch bir tizimga birlashdi. Eronning harbiy-siyosiy koʻmagi bu salohiyatni kuchaytirdi.

Prezident farmoni bilan Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi Taʼlim va ilm-fan vazirligi sifatida qayta tashkil etildi. 

Sanepidqoʻmita Rossiyada oʻlat tarqalgani boʻyicha xabarlarni izohladi. Ayni paytda kasallik bilan bogʻliq maʼlumotlar oʻrganilmoqda.

Boshlangʻich sinf oʻquvchilari uchun ham fan olimpiadalari yoʻlga qoʻyiladi. Olimpiadaning respublika bosqichida gʻolib boʻlgan oʻquvchining ustoziga 100 million soʻm mukofot beriladi. ​Yangi oʻquv yilidan 100 ta maktabning bittadan sinfida matematika, informatika va tabiiy fanlar toʻliq ingliz tilida oʻqitiladi. 

Bugun xalqaro tizim bir vaqtning oʻzida bir necha bosimga duch kelgan: Ukrainadagi urush davom etmoqda, Yaqin Sharqda xavfsizlik inqirozi chuqurlashgan, Gʻazo va Falastin masalasi global diplomatiyani turli oqimlarga boʻlib turibdi, Eron atrofidagi keskinlik energetika va transport xavfsizligiga taʼsir koʻrsatyapti, sunʼiy intellekt esa texnologik raqobatdan xalqaro xavfsizlik masalasiga aylangan. Ayni paytda esa BMTning oʻzi moliyaviy tanqislik, institutsional samaradorlik va vakolatlarining amaliy taʼsiri borasida jiddiy sinovdan oʻtmoqda.