Shavkat Mirziyoyev davlat tashrifi bilan Iordaniyaga boradi
Tashrif dasturiga muvofiq, Amman shahrida oliy darajadagi muzokaralar, ikki mamlakat rasmiylari hamda ishbilarmon doiralari vakillari ishtirokida biznes forumiva boshqa tadbirlar oʻtkaziladi.

Oʻzbekiston Respublikasi Prezidenti Shavkat Mirziyoyev Iordaniya Hoshimiylar Podshohligi Podshohi Abdulla II ibn al-Husaynning taklifiga binoan 23-24 noyabr kunlari davlat tashrifi bilan ushbu mamlakatda boʻladi.
Tashrif dasturiga muvofiq, Amman shahrida oliy darajadagi muzokaralar, ikki mamlakat rasmiylari hamda ishbilarmon doiralari vakillari ishtirokida biznes forumiva boshqa tadbirlar oʻtkaziladi.
Boʻlajak muzokaralar kun tartibidan Oʻzbekiston – Iordaniya munosabatlarini yangi bosqichga olib chiqish, savdo-iqtisodiy va investitsiyaviy hamkorlikni kengaytirish masalalari oʻrin olgan. Xususan, toʻqimachilik, togʻ-kon va kimyo sanoati, qishloq xoʻjaligi, farmatsevtika kabi ustuvor sohalardagi sheriklikni rivojlantirish, shuningdek, madaniy-gumanitar aloqalar va sayyohlik almashinuvlarini faollashtirishga alohida eʼtibor qaratiladi.
Muzokaralar yakunlari boʻyicha bir qator hujjatlar qabul qilinishi rejalashtirilgan.





