Toshkent avtobuslaridagi oynalar nega qoraytirildi?
Bu orqali salondagi moʻʼtadil haroratni saqlash va konditsioner hosil qilgan salqinlikni uzoqroq taʼminlash koʻzlanishi aytilgan.

Toshkent avtobuslaridagi qoraytirilgan oynalar yuzasidan tushuntirish berildi.
Ijtimoiy tarmoqlarda Toshkent shahridagi avtobuslar oynalarining qoraytirilishi yoʻlovchilarga tashqarini koʻrishda noqulaylik tugʻdirayotgani, ayrim avtobuslarda esa bekatlar nomini koʻrsatuvchi elektron tablolar ishlamayotgani tanqid qilindi.
Holat yuzasidan "Toshshahartransxizmat" izoh berdi.
Munosabatga koʻra, avtobus oynalari yozda yoʻlovchilarni quyosh nurlarining bevosita taʼsiridan himoya qilish, salonning ortiqcha qizib ketishining oldini olish hamda konditsioner samaradorligini oshirish maqsadida maxsus qoraytirilgan. Bu orqali salondagi moʻʼtadil haroratni saqlash va konditsioner hosil qilgan salqinlikni uzoqroq taʼminlash koʻzlangan.





