S&P Oʻzbekistonning kredit reytingini "BB+" darajasiga koʻtardi
Bu mamlakatimiz tarixida hozirgacha erishilgan eng yuqori koʻrsatkich, endi "investitsiyaviy" (BBB-) pogʻonaga bir qadam qoldi.

"S&P Global Ratings" xalqaro agentligi Oʻzbekistonning suveren kredit reytingini "barqaror" prognoz bilan "BB+" darajasiga koʻtardi. Bu haqda Prezident Administratsiyasi rahbari Saida Mirziyoyeva maʼlum qildi.
Bu mamlakatimiz tarixida hozirgacha erishilgan eng yuqori koʻrsatkich, endi "investitsiyaviy" (BBB-) pogʻonaga bir qadam qoldi.
"Bu yutuq tizimli iqtisodiy islohotlar, muvozanatli moliya siyosati hamda Prezidentimizning uzoqni koʻzlagan strategik yondashuvi samarasidir. Ijobiy natijalarimizni taqdim etish borasida ishchi guruhimizning tezkor va ochiq tahliliy muloqotlari "S&P" tomonidan alohida eʼtirof etildi.
Yurtimizga boʻlgan ishonchni mustahkamlash, investitsiyaviy jozibadorlikni oshirish yoʻlidagi qatʼiy harakatimizni davom ettiramiz", deya yozadi Mirziyoyeva.





