platina.uz
Tashkent Content Market — 4–5 fevral 2027, tcm.uz
Jamiyat

Muddatidan oldin pensiyaga chiqish uchun taqdimnomani onlayn rasmiylashtirish mumkin boʻladi

Yangi xizmat tashkilot yoki yakka tartibdagi tadbirkor faoliyati tugatilgani, shuningdek, xodimlar soni yoki shtati qisqargani sababli ishdan boʻshatilgan fuqarolar uchun moʻljallangan. 

Muddatidan oldin pensiyaga chiqish uchun taqdimnomani onlayn rasmiylashtirish mumkin boʻladi

Oʻzbekistonda muddatidan oldin pensiyaga chiqish uchun taqdimnomani my.gov.uz portali orqali rasmiylashtirish imkoniyati yaratildi. Bu haqda Yagona interaktiv davlat xizmatlari portali maʼlum qildi.

Yangi xizmat tashkilot yoki yakka tartibdagi tadbirkor faoliyati tugatilgani, shuningdek, xodimlar soni yoki shtati qisqargani sababli ishdan boʻshatilgan fuqarolar uchun moʻljallangan.

Xizmatdan quyidagi fuqarolar foydalanishi mumkin:

-erkaklar — 58 yoshdan 60 yoshgacha, kamida 25 yillik mehnat stajiga ega boʻlsa;

-ayollar — 53 yoshdan 55 yoshgacha, kamida 20 yillik mehnat stajiga ega boʻlsa.

Ariza topshirish uchun mehnat shartnomasini bekor qilish toʻgʻrisidagi buyruq nusxasi talab etiladi. Agar mehnat staji haqidagi maʼlumotlar toʻliq raqamlashtirilmagan boʻlsa, mehnat daftarchasi nusxasi ham taqdim qilinadi.

Arizalar ikki ish kuni ichida koʻrib chiqiladi. Ish qidiruvchi sifatida roʻyxatga olingan fuqaro maqbul ish taklifini olish uchun 10 kun ichida bandlik boʻlimiga borishi kerak.

Agar mehnat shartnomasi bekor qilingan kundan boshlab uch oy davomida fuqaroga maqbul ish topib berilmasa, u belgilangan tartibda ishsiz deb eʼtirof etiladi.

Shundan soʻng muddatidan oldin pensiyaga chiqish uchun taqdimnoma rasmiylashtirilib, pensiya tayinlash maqsadida Pensiya jamgʻarmasiga elektron shaklda yuboriladi.

Telegramda kuzatib boring!

Tavsiya etamiz

© 2026 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 88 100 11 55 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+

Ilovamizni yuklab olish

iOSAndroid