Jizzaxdagi 550 MVt quvvatli yangi issiqlik elektr stansiyasi tarmoqqa ulandi
Yangi stansiya yiliga 4,4 mlrd kVt·soat elektr energiyasi ishlab chiqarish va 500 mln kub metr tabiiy gazni tejash imkoniyatiga ega. Taqqoslash uchun, ushbu hajmdagi elektr energiyasi oʻrtacha 1,8 mln xonadonning bir yilliy isteʼmolini tashkil qiladi.

Jizzaxdagi 550 MVt quvvatli yangi issiqlik elektr stansiyasi tarmoqqa ulanib, elektr energiyasi yetkazib berishni boshladi.
Energetika vazirligi Oʻzbekiston energetikasi, aholisi va iqtisodiyoti uchun yana bir muhim yangilikni maʼlum qildi.
Jizzax viloyatining Sharof Rashidov tumanida qurilgan 550 MVt quvvatli yangi issiqlik elektr stansiyasi Oʻzbekiston yagona energetika tizimiga ulandi va ilk generatsiya quvvatlarni tarmoqqa uzatishni boshladi.
Yangi stansiya yiliga 4,4 mlrd kVt·soat elektr energiyasi ishlab chiqarish va 500 mln kub metr tabiiy gazni tejash imkoniyatiga ega. Taqqoslash uchun, ushbu hajmdagi elektr energiyasi oʻrtacha 1,8 mln xonadonning bir yilliy isteʼmolini tashkil qiladi.

E
Bu esa aholini barqaror elektr energiyasi bilan taʼminlash, sanoat korxonalarining uzluksiz ishlashi va mamlakatimiz iqtisodiyoti rivoji uchun muhim ahamiyatga ega.
Maʼlumot uchun: Bu Jizzax viloyatidagi birinchi yirik issiqlik elektr stansiyasi hisoblanadi. Shu paytgacha viloyatda bitta kichik gidroelektr stansiyasi va ikkita yirik quyosh elektr stansiyasi mavjud edi





