platina.uz
Tashkent Content Market — 4–5 fevral 2027, tcm.uz
Iqtisod

Qishki mavsumga benzin zaxirasi qanday? “Oʻzbekneftgaz” maʼlumot berdi

Buxoro neftni qayta ishlash zavodi va tizimdagi neft bazalar omborlarida 102 ming tonna benzin zaxirasi shakllantirildi. 

Qishki mavsumga benzin zaxirasi qanday? “Oʻzbekneftgaz”  maʼlumot berdi

“Oʻzbekneftgaz” AJ qish mavsumida ichki bozorni barqaror taʼminlash uchun Buxoro neftni qayta ishlash zavodi va tizimdagi neft bazalar omborlarida 102 ming tonna benzin zaxirasini shakllantirganini maʼlum qildi. Bu oʻtgan yilning mos davridagi zaxiradan 25 ming tonnaga koʻp.

Jamiyat hisob-kitobiga koʻra, mavjud zaxira ikki oylik isteʼmol hajmini qoplash imkonini beradi. Zavodda esa hozir sutkasiga oʻrtacha 3200–3400 tonna benzin ishlab chiqarilmoqda.

Maʼlumki, qishda havo sovishi bilan metan gazi quyish shoxobchalari faoliyatiga vaqtinchalik cheklovlar kiritiladi. Bunday holatda esa, tabiiyki, aholi koʻproq benzindan foydalanadi. "Oʻzbekneftgaz" avvalgi yillardagi toʻplangan tajriba va aholini sifatli benzin bilan taʼminlash dasturiga muvofiq talab oshgan taqdirda birja savdolariga chiqariladigan benzin miqdorini kuniga 8 ming, ehtiyoj yana koʻpayganda 10 ming tonnagacha yetkazish imkoniyatini ham hisobga olgan.

Shu oʻrinda yana bir muhim jihat. Aholini benzin bilan taʼminlash faqatgina "Oʻzbekneftgaz" AJ zimmasidagi masala emas. Bozorda xorijdan mahsulot keltiruvchi xususiy tadbirkorlik subʼektlari ham katta foizni egallaydi. Ular tomonidan olib kelinayotgan benzin importi hajmi joriy yilning iyun oyidan boshlab keskin kamayganini alohida taʼkidlash oʻrinli. Xususan, oktabr oyida import hisobiga ichki bozorga jami 5,5 ming tonna benzin yetkazib berilgan. Biroq shunga qaramay "Oʻzbekneftgaz" tomonidan bugungi kunda birja savdolariga kunlik jami 4,6 ming tonna benzin (2025 yilda oʻrtacha 2,2 ming tonna), shu jumladan, 4,3 ming tonna AI-92 rusumli benzin muntazam ravishda joylashtirib borilmoqda. Shu bilan birga, mavsumda ichki bozordagi talabni qondirish hamda ehtimoliy taqchillikning oldini olish maqsadida tizim korxonasi tomonidan tayyor benzin importini amalga oshirish choralari ham koʻrilmoqda.

Telegramda kuzatib boring!

Tavsiya etamiz

© 2026 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 88 100 11 55 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+

Ilovamizni yuklab olish

iOSAndroid