Putin Tojikistonga tashrif buyurdi
Uni aeroportda Emomali Rahmon kutib oldi. Eslatib oʻtamiz, Tojikiston Xalqaro jinoiy sud aʼzosi sanaladi. Ushbu sud 2023 yil Putinni hibsga olishga order bergan.

Rossiya prezidenti Vladimir Putin Tojikistonga tashrif bilan keldi.
Kreml veb-saytidagi bayonotga koʻra, Tojikiston prezidenti Emomali Rahmon Putinni aeroportda kutib oldi.
Kreml matbuot xizmati avvalroq Rossiya va Tojikiston oʻrtasidagi strategik sheriklikni rivojlantirish bilan bogʻliq asosiy masalalar tashrif davomida muhokama qilinishi rejalashtirilganini xabar qilgan edi.
Payshanba kuni boʻlib oʻtgan matbuot anjumanida Rossiya prezidentining oʻzi tashrif davomida muhokama qilinishi rejalashtirilgan baʼzi mavzular haqida batafsil maʼlumot berdi.
Uning soʻzlariga koʻra, muzokaralar, xususan, Afgʻonistondagi hamkorlik va Rossiya harbiy bazasining faoliyatini qamrab oladi.
Eslatib oʻtamiz, Tojikiston Xalqaro jinoiy sud aʼzosi sanaladi. Ushbu sud 2023 yil Putinni hibsga olishga order bergan.





