platina.uz
Tashkent Content Market — 4–5 fevral 2027, tcm.uz
Jamiyat

Fargʻona vodiysining baʼzi hududlariga elektr boʻyicha cheklovlar kiritildi

"L-503" elektr uzatish tarmogʻida noqulay ob-havo sharoiti tufayli avariyaviy uzilish yuz berdi. Noqulay ob-havo taʼsirida murakkab relefli adirlik hududida joylashgan elektr uzatish tarmogʻi tayanchlaridan biri qulagan.

Fargʻona vodiysining baʼzi hududlariga elektr boʻyicha cheklovlar kiritildi

19 noyabr kuni Sirdaryo issiqlik elektr stansiyasidan Fargʻona vodiysi viloyatlariga elektr energiyasi uzatuvchi, Tojikiston Respublikasi hududidan oʻtuvchi 500 kV kuchlanishli "L-503" elektr uzatish tarmogʻida noqulay ob-havo sharoiti tufayli avariyaviy uzilish yuz berdi. Bu haqda Energetika vazirligi maʼlumot berdi.

​Dastlabki maʼlumotlarga koʻra, noqulay ob-havo taʼsirida murakkab relefli adirlik hududida joylashgan elektr uzatish tarmogʻi tayanchlaridan biri qulagan.

Natijada avtomatik himoya tizimi ishga tushib, mazkur tarmoq orqali elektr energiyasi uzatilishi vaqtincha toʻxtagan. Bu esa ayrim isteʼmolchilarning elektr taʼminotida uzilishlarga sabab boʻlgan.

​Ayni paytda "Oʻzbekiston milliy elektr tarmoqlari" AJ rahbariyati boshchiligidagi mutaxassislar hamda avariya-tiklash brigadalari hodisa joyiga safarbar etilgan. Tojikiston Respublikasining tegishli tashkilotlari bilan hamkorlikda avariya oqibatlarini bartaraf etish va elektr uzatish tarmogʻi faoliyatini tiklash boʻyicha tezkor ishlar olib borilmoqda.

​Taʼmirlash-tiklash ishlari yakunlangunga qadar Fargʻona vodiysi viloyatlarining ayrim hududlarida elektr taʼminotiga vaqtinchalik cheklovlar kiritiladi.

​Maʼlumot uchun, Fargʻona vodiysi viloyatlariga elektr energiyasi boshqa elektr uzatish tarmoqlari orqali ham yetkazib beriladi. Xususan, Fargʻona viloyatiga Toshkent viloyatidagi "Yangi Angren" issiqlik elektr stansiyasidan chiquvchi 500 kV kuchlanishli "L-524" elektr uzatish tarmogʻi orqali ham elektr energiyasi uzatiladi.

​​Tiklash ishlarining borishi va elektr taʼminotidagi oʻzgarishlar yuzasidan qoʻshimcha axborot berib boriladi.

Telegramda kuzatib boring!

Tavsiya etamiz

© 2026 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 88 100 11 55 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+

Ilovamizni yuklab olish

iOSAndroid