Bojxona deklaratsiyasini toʻldirish qoidalariga oʻzgartirishlar kiritildi
Notijorat maqsadda olib kirayotgan shaxs temir yoʻl, daryo va avtomobil punktlari orqali 2 kundan kam, aeroport orqali 3 kundan kam boʻlsa yoki bir oy ichida xorijda 3 va undan ortiq marta boʻlsa, bojsiz olib kirish normalari qoʻllanilmaydi.

Yoʻlovchi bojxona deklaratsiyasini toʻldirish va rasmiylashtirish boʻyicha yoʻriqnomaga qoʻshimcha va oʻzgartirishlar kiritildi.
Nimalar oʻzgardi?
Elektron deklaratsiya xavf darajasi past deb baholansa, bojxona xodimisiz avtomatik rasmiylashtiriladi.
Bojsiz olib kirish:
• xalqaro aeroportlar orqali – 1000 $
• temir yoʻl va daryo orqali – 500 $
• avtomobil (piyoda) punkti orqali – 300 $
• alkogol – 2 litr
• sigareta – 200 dona, sigara – 5 dona, tamaki – 100 gr
• atir – 3 dona (har biri 300 ml dan oshmagan)
• BFQ – 10 xil nomda (jami 3 kg gacha)
Notijorat maqsadda olib kirayotgan shaxs temir yoʻl, daryo va avtomobil punktlari orqali 2 kundan kam, aeroport orqali 3 kundan kam boʻlsa yoki bir oy ichida xorijda 3 va undan ortiq marta boʻlsa, bojsiz olib kirish normalari qoʻllanilmaydi.
Deklaratsiyasiz olib chiqish:
• pul – 5000 $ gacha
• guruch – 3 kg, non-bulka – 5 kg
• goʻsht mahsulotlari – 2 kg, shakar – 2 kg, oʻsimlik moyi – 2 kg
• meva-sabzavot – 40 kg gacha
• zargarlik buyumlari – 65 gr oltin va 200 gr kumush.
Naqd milliy va xorijiy valyutada 100 mln soʻm ekvivalentidan ortiq mablagʻni olib chiqish mumkin emas.





