Alimentdan qarzdor fuqaro quti ichidan topildi
Qarzdorga nisbatan mavjud 44 mlnsoʻm qarzdorligi sababli JIB Koson tuman sudi tomonidan 15 sutka maʼmuriy qamoq jazosi tayinlandi.

Majburiy ijro byurosining Platina.uz’ga maʼlum qilishicha, Koson tumanida 2024 yilda qidiruv eʼlon qilingan 32 yoshli fuqaro topilgan. Fuqaro 2018 yilda chiqarilgan sud buyrugʻiga asosan bir nafar farzandi taʼminoti uchun aliment toʻlashi lozim edi. Ammo u yillar davomida belgilangan toʻlovlarni toʻliq amalga oshirmay, kam miqdorda toʻlab kelgan.
Qarzdorning yashiringan joyini aniqlash maqsadida 2024 yilda unga nisbatan qidiruv eʼlon qilingan va u qidiruv tadbirlari davomida topilgan edi.
Biroq shundan keyin ham u oʻz xulosasini chiqarmadi. Bu safar ham davlat ijrochilaridan yashirinishga uringan qarzdor katta quti ichiga kirib, ustini koʻrpacha va turli buyumlar bilan berkitib oldi.
Lekin davlat ijrochilari vaziyatni sinchkovlik bilan oʻrganib, quti ichida kimdir yashiringanini aniqlashdi. Natijada qarzdorning navbatdagi yashirinishga boʻlgan urinishi ham samara bermadi.
Qarzdorga nisbatan mavjud 44 mlnsoʻm qarzdorligi sababli JIB Koson tuman sudi tomonidan 15 sutka maʼmuriy qamoq jazosi tayinlandi.





