platina.uz
Tashkent Content Market — 4–5 fevral 2027, tcm.uz
Jamiyat

Toshkentdan Ashxobodga muntazam aviaqatnovlar yoʻlga qoʻyilishi mumkin

Tashqi ishlar vaziri oʻrinbosari Olimjon Abdullayev Turkmaniston elchisi bilan uchrashuv oʻtkazdi. 

Toshkentdan Ashxobodga muntazam aviaqatnovlar yoʻlga qoʻyilishi mumkin

Oʻzbekiston va Turkmaniston poytaxtlari oʻrtasida aviaqatnovlar yoʻlga qoʻyilishi mumkin.

2026 yil 18 noyabr kuni Oʻzbekiston Respublikasi tashqi ishlar vaziri oʻrinbosari Olimjon Abdullayev Turkmanistonning mamlakatimizdagi Favqulodda va Muxtor Elchisi Shodurdi Meredov bilan uchrashuv oʻtkazdi.

​Muloqot davomida ikki tomonlama hamkorlikning dolzarb masalalari, jumladan, transport-logistika aloqalarini rivojlantirish, xalqaro yuk tashuvlarini yengillashtirish va chegara oʻtkazish punktlari faoliyatini takomillashtirish masalalari qayd etildi.

​Xususan, Toshkent–Ashxobod–Toshkent yoʻnalishida muntazam aviaqatnovlarni yoʻlga qoʻyish hamda chegaradosh hududlar aholisining 2004 yilgi hukumatlararo bitim doirasida nazarda tutilgan uch sutkagacha vizasiz qatnovini tiklash masalalari muhokama qilindi.

​Konsullik sohasida fuqarolarning huquq va qonuniy manfaatlarini himoya qilish, vakolatli idoralar oʻrtasida axborot almashinuvini takomillashtirish masalalari yuzasidan fikr almashildi.

​Uchrashuv yakunida tomonlar muhokama qilingan masalalarni tegishli idoralar bilan birgalikda ishlab chiqish va amaliy hamkorlikni davom ettirishga kelishib oldi.

Telegramda kuzatib boring!

Tavsiya etamiz

© 2026 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 88 100 11 55 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+

Ilovamizni yuklab olish

iOSAndroid