Biznesni roʻyxatga olishda rasman roʻyxatdan oʻtmaganlar ham hisobga olinadi
Milliy statistika qoʻmitasiga koʻra, asosiy maqsad mamlakatda amalda faoliyat yuritayotgan barcha iqtisodiy birliklar haqida ishonchli maʼlumot toʻplashdir.

Oʻzbekistonda 30 noyabrgacha davom etadigan biznesni roʻyxatga olish tadbirida nafaqat rasmiy korxonalar, balki tegishli tartibda roʻyxatdan oʻtmasdan faoliyat yuritayotgan iqtisodiy birliklar ham qamrab olinmoqda.
Milliy statistika qoʻmitasiga koʻra, asosiy maqsad mamlakatda amalda faoliyat yuritayotgan barcha iqtisodiy birliklar haqida ishonchli maʼlumot toʻplashdir.
Maʼlum qilinishicha, fuqarolar taqdim etgan individual maʼlumotlar maxfiy saqlanadi va faqat statistik maqsadlarda foydalaniladi.
Roʻyxatdan onlayn oʻtish ham mumkin: yuridik shaxslar uchun hisobot.stat.uz, oʻzini oʻzi band qilganlar uchun census.stat.uz.
Eng muhimi, tadbirkorlarning shaxsiy maʼlumotlari sir saqlanishi va roʻyxatga olish jarayoni ularga ortiqcha qiyinchilik tugʻdirmasligi kerak.





