Saida Mirziyoyeva Kanada elchisi bilan viza tartiblarini yengillashtirishni muhokama qildi
Uchrashuvda savdo, investitsiya va ishbilarmonlik aloqalarini kengaytirish, taʼlimdagi hamkorlikka ham toʻxtalib oʻtildi.

Prezident Administratsiyasi rahbari Saida Mirziyoyeva Kanada elchisi bilan uchrashdi.
Kanadaning Oʻzbekistondagi elchisi Kristofer Daggan bilan uchrashuvda savdo, investitsiya va ishbilarmonlik aloqalarini kengaytirish, taʼlimdagi hamkorlik muhokama etildi.

Viza tartiblarini yengillashtirish masalalariga alohida toʻxtalib oʻtilgan.
"Qoʻshma tashabbuslarimiz oʻzaro munosabatlarni yangi bosqichga koʻtarib, odamlarimiz uchun keng imkoniyat va qulayliklar yaratishiga ishonaman", deya maʼlum qildi Mirziyoyeva.





