Oʻzbekistonda ikkita xorijiy bank vakolatxona ochadi
Fransiyaning Societe Generale banki va Koreya Respublikasining Hana Bank banki vakolatxonalari akkreditatsiyadan oʻtkazildi.

Oʻzbekistonda ikkita xorijiy bank vakolatxona ochmoqda.
Markaziy bank Fransiyaning Societe Generale banki va Koreya Respublikasining Hana Bank banki vakolatxonalarini akkreditatsiyadan oʻtkazdi.
Societe Generale banki 1864 yilda tashkil etilgan boʻlib, dunyoning 58 ta mamlakatida faoliyat yuritadi va Yevropaning yetakchi bank va moliyaviy xizmatlar guruhlaridan biri hisoblanadi.
Hana Financial Group tarkibiga kiruvchi Hana Bank 2015 yil 1 sentabrda Korea Exchange Bank bilan birlashgan, Koreyaning yirik tijorat banklaridan biri hisoblanadi. Bank dunyoning 27 ta mamlakatida oʻz faoliyatini amalga oshiradi.





