Qashqadaryoda soy kechib maktabga boradigan bolalar uchun koʻprik quriladi
Koʻprikni bir oy ichida qurib, foydalanishga topshirish rejalashtirilmoqda.

Qashqadaryoda soy kechib maktabga boradigan bolalar uchun koʻprik quriladi.
Dehqonobod tumanidagi Jingil qishlogʻida 84-maktab oʻquvchilari soydan kechib maktabga borishga majbur boʻlayotgani aks etgan video ijtimoiy tarmoqlarda muhokamalarga sabab boʻlgandi.
Masʼullar muammoni oʻrganib, hududda 50–60 metr uzunlikdagi osma piyodalar koʻprigi qurishga qaror qildi.
Koʻprikni bir oy ichida qurib, foydalanishga topshirish rejalashtirilgan.
Bir necha kun avval Qashqadaryoda ota-onalar bolalarni maktabga olib borish uchun daryodan koʻtarib oʻtayotgani videosi tarqalgandi.
Viloyat hokimligi masʼullar tomonidan muammoning doimiy yechimini topish yuzasidan tegishli ishlar olib borilayotganini bildirgan.





