Jurnalistlar uyushmasi delegatsiyasi IREX rahbariyati bilan muloqot oʻtkazdi

Oʻzbekiston Jurnalistlar uyushmasi delegatsiyasi AQShga safari doirasida Vashington shahrida Tadqiqotlar va tajriba almashish boʻyicha Xalqaro kengash prezidenti Aleksandr Dardeli bilan uchrashuv oʻtkazdi.

Muloqotda media sohasida hamkorlik oʻrnatish, jurnalistlar uchun xalqaro tajriba almashish dasturlarini yoʻlga qoʻyish yuzasidan oʻzaro fikr almashildi.

IREX (International Research & Exchanges Board) — AQShda tashkil etilgan, xalqaro taʼlim, jurnalistika, axborot almashinuvi va institutsional rivojlanish sohalarida faoliyat yurituvchi yirik notijorat tashkilotdir.

Mazkur tashkilot hozirgacha 100 dan ortiq mamlakatda hamkorlik loyihalarini amalga oshirgan. IREXning asosiy maqsadi taʼlim, axborotdan foydalanish imkoniyatlari, yetakchilik va jamiyat institutlarini rivojlantirish hisoblanadi.

Tashkilot jurnalistlar malakasini oshirish, media tashkilotlarni rivojlantirish, media savodxonlik — soxta axborot va dezinformatsiyaga qarshi kurashishga qaratilgan muvaffaqiyatli loyihalarni amalga oshirgan.