Saida Mirziyoyeva Parijda Emmanuel Makron bilan muloqot oʻtkazdi
Mudofaa, xavfsizlik, kibertexnologiyalar, sunʼiy intellekt, yirik iqtisodiy va gumanitar loyihalarda strategik sheriklikni rivojlantirish haqida fikr almashildi.
Prezident Administratsiyasi rahbari Saida Mirziyoyeva Emmanuel Makron bilan uchrashuv oʻtkazdi.
"Parijda Fransiya Prezidenti Emmanuel Makron bilan uchrashuvda unga Prezidentimiz Shavkat Mirziyoyevning samimiy salomini yetkazdim.
Mudofaa, xavfsizlik, kibertexnologiyalar va sunʼiy intellektdan tortib, yirik iqtisodiy va gumanitar loyihalargacha boʻlgan yoʻnalishlarda strategik sherikligimizni rivojlantirish haqida fikr almashdik", deya yozdi Saida Mirziyoyeva.
Eslatib oʻtamiz, ayni kunlarda Fransiya poytaxti Parij shahrida IX Parij tinchlik forumi boʻlib oʻtmoqda.
