Prezident maktabi oʻquvchilari nufuzli xalqaro mukofotning 18 tasiga sazovor boʻldi
11 ta natija jahon miqyosida eng yuqori ball — “Highest Mark in the World” deb eʼtirof etildi. Shundan 9 tasi fizika, 2 tasi biologiya fani hissasiga toʻgʻri keladi.
Prezident maktablari tarixida ilk bor: 16 nafar oʻquvchi nufuzli “Outstanding Pearson Learner Awards” xalqaro mukofotining 18 tasiga sazovor boʻldi.
Ushbu yuksak natijalar oʻquvchilarning 2026 yil iyun oyida oʻtkazilgan Pearson Edexcel International GCSE xalqaro imtihonlarida koʻrsatgan bilim va salohiyati asosida qayd etildi.
Quvonarlisi, 11 ta natija jahon miqyosida eng yuqori ball — “Highest Mark in the World” deb eʼtirof etildi. Shundan 9 tasi fizika, 2 tasi biologiya fani hissasiga toʻgʻri keladi.
Bundan tashqari, 7 ta natija Oʻzbekiston boʻyicha eng yuqori ball — “Highest Mark in Uzbekistan” nominatsiyasida qayd etildi. Ularning 4 tasi matematika, 2 tasi kimyo va 1 tasi kompyuter taʼlimi fanidan qoʻlga kiritildi.
