Oʻzbekiston Birinchi xonimi COP31 doirasida mamlakatimiz milliy paviloniga tashrif buyurdi
Tashrif davomida Ziroat Mirziyoyeva bu yerda namoyish etilgan milliy ekologik loyihalar va tashabbuslar bilan tanishdi.
Antaliya shahrida boʻlib oʻtayotgan BMTning Iqlim oʻzgarishi boʻyicha Hadli konvensiyasi tomonlari konferensiyasining 31-sessiyasi (COP31) doirasida Oʻzbekiston Respublikasi Birinchi xonimi, «Zamin» Xalqaro jamoat fondi Vasiylik kengashi raisi Ziroat Mirziyoyeva Oʻzbekiston milliy paviloniga tashrif buyurdi.
Pavilon meʼmoriy konsepsiyasiga «Uzumzor – oʻtmish merosi, bugungi yechim, kelajak uchun ilhom» gʻoyasi asos qilib olingan.
Tashrif davomida Ziroat Mirziyoyeva bu yerda namoyish etilgan milliy ekologik loyihalar va tashabbuslar bilan tanishdi.
«Zamin» fondi tomonidan amalga oshirilayotgan «Eco-Schools Uzbekistan» loyihasi ishtirokchilari Birinchi xonimga taʼlimning barcha bosqichlarini qamrab olgan uzluksiz ekologik taʼlim tizimining taqdimotini oʻtkazdilar. Mazkur tizim maktabgacha va boshlangʻich taʼlim uchun LEAF, umumtaʼlim maktablariga Eco-Schools, oliy va oʻrta kasbiy taʼlim muassasalari uchun Eco-Campus dasturlarini oʻz ichiga oladi.
COP31 doirasidagi Oʻzbekiston milliy paviloni mamlakatimizda amalga oshirilayotgan ekologik islohotlarni namoyish etish, tajriba almashish hamda barqaror kelajak yoʻlida xalqaro hamkorlikni mustahkamlash uchun maydon vazifasini oʻtamoqda.
