Surxondaryoda 277 ta soxta haydovchilik guvohnomasi yoqib yuborildi
Maʼlum qilinishicha, ushbu jinoyat ishi yuzasidan jami 11 nafar shaxsga nisbatan sud hukmi eʼlon qilingan.
Surxondaryo viloyatining Angor tumanida jinoyat ishi boʻyicha ashyoviy dalil sifatida saqlangan 277 ta soxta haydovchilik guvohnomasi yoqib yoʻq qilindi. Mazkur jinoyat ishi doirasida 11 nafar shaxsga nisbatan sud hukmi chiqarilgan. Bu haqda Majburiy ijro byurosi xabar berdi.
Jinoyat ishlari boʻyicha Angor tuman sudining ijro varaqasiga asosan, jinoyat ishi doirasida ashyoviy dalil deb topilgan 277 ta soxta haydovchilik guvohnomasini yoʻq qilish belgilangan.
Sud hujjati ijrosini taʼminlash maqsadida Majburiy ijro byurosining Angor tuman boʻlimi tomonidan tegishli ijro harakatlari oʻtkazilgan.
Jarayon davomida sudning ashyoviy dalillarni saqlash xonasida turgan 277 ta qalbaki haydovchilik guvohnomasi belgilangan tartib va xavfsizlik talablariga rioya etilgan holda maxsus qozonxonada yoqish orqali toʻliq yoʻq qilingan.
Maʼlum qilinishicha, ushbu jinoyat ishi yuzasidan jami 11 nafar shaxsga nisbatan sud hukmi eʼlon qilingan.
